ملحد؟ زنديق؟
اول حاجه اللا منطقيه
ازاي اله حكيم يفكر انه يخلق ناس من العدم ويكتب عليهم ان هم يكفروا ويعذبهم عذاب خالد, ده طبعا مش شايف ليه اي فايده من ناحيته كإله ليه خلقت ملايكه تعمل حجات انت قادر تعملها اصلا ليه خلقت الجن وانت عارف ان هم هيفسدوا فالارض؟ وليه خلقت ابليس وانت عارف السيناريو ال هيحصل اصلا وليه اصلا تحتاج مخلوقات؟ انت زهقان طيب ولا اي؟ ده غير ان كل الوصف ال تم وصفه للجنه او النار هي اوصاف جاية فعلا من واحد عايش ف صحراء وميعرفش ايه ال براها ولا اي ال برا الكوكب ولو فكرنا بمنطقيه شويه لو ان فيه فعلا اله ف هو بيتصرف تصرف غير منطقي بالمره ازاي نزل اديان كتيره وعارف ان هي هتتحرف وفنفس الوقت بينزلها وخلاص هل غلط ومكنش عارف ان هو هيتحرف؟ يبقا هو مش اله ولو كان عارف طب بيعمل كدا ليه؟ ايه هدفه من كل الحجات ال خلقها دي؟ عايز يتمتع؟ ولا عايز يشوف الناس ازاي بتقتل فبعض؟
تاني حاجه الاخطاء العلميه
إذا وقع الذباب في إناء أحدكم فليغمسه، فإن في أحد جناحيه داء وفي الآخر شفاء." ازاي دين سماوي جاي من اله خارق للطبيعه وعالم بكل شيء يقلك لو دبانه نزلت على شراب اغمسها عشان فيها منفعه وطبعا مش محتاج اوضح ان ده مفيش فيه اي اساس علمي وطبعا محدش يعمل الهري ده عشان مضر طبعا, بول الابل وده طبعا اعبط حاجه شفتها لغايت دلوقت كفايه اسمه اصلا, الاسلام عامل الارض كانها مسطحه سواء كان في الصلاة او حتى فالقرءان ذات نفسه "وَإِلَى الْأَرْضِ كَيْفَ سُطِحَتْ" فيه شيوخ بتفسر الآيه على مزاجها وتقلك لا مينفعش اغلط ديني صحيح هو بس كان قصده ان الارض كرويه فعلا بس هو بيقلك بقا بص انت ازاي شايفها مسطحه!! الآيه باينه وصريحه ١٠٠٪ ومش عايزه لف ودوران + فيه اماكن الشمس فيها مبتغربش الشمس فيها طب لو انت\ي صايم هتفطر ازاي؟ ولا هتصوم ازاي فطبعا من انسان بدائي عايش فالصحراء فمش من الغريب انه يفتكر ان الارض مسطحه, "فَتَيَمَّمُوا صَعِيدًا طَيِّبًا" في حالات الطوارئ، التراب لا يطهر. بالعكس، هو وسيلة لنقل الطفيليات والبكتيريا. من منظور علمي، لا يمكن أن يُعد وسيلة للتنظيف دون مياه أو تعقيم, هُوَ الَّذِي خَلَقَ لَكُم مَّا فِي الْأَرْضِ جَمِيعًا ثُمَّ اسْتَوَىٰ إِلَى السَّمَاءِ فَسَوَّاهُنَّ سَبْعَ سَمَاوَاتٍ ۚ وَهُوَ بِكُلِّ شَيْءٍ عَلِيمٌ, يوجد تعارض داخلي. في آية يبدو أن الأرض خُلقت أولًا، ثم السموات. وفي أخرى، السماء كانت دخانًا ثم خُلقت الأرض. هذا يخالف التسلسل الكوني المعروف في العلم الحديث، حيث تشكّلت المجرات والنجوم قبل الأرض بزمن طويل, "فلينظر الإنسان مم خُلق * خُلق من ماء دافق * يخرج من بين الصلب والترائب", الصلب هو اسفل الظهر الترائب هو الصدر (صدر المرأه) هنا على حسب التفاسير بيقلك ان المني يجي من اسفل ظهر الرجل و البويضه تخرج من صدر المرأه وده مش علمي بالمره "وألقى في الأرض رواسي أن تميد بكم" الجبال مش مثبتات للأرض. في الحقيقة، الجبال هي ناتج حركة الصفائح التكتونية، مش سبب استقرارها. الأرض بتتحرك باستمرار، والجبال نتيجة مش سبب. فلو خدنا النص وطبقناه، فهو عكس الحقيقة العلمية, عن أبي سعيد قال "قيل: يا رسول الله أنتوضأ من بئر بضاعة, وهي بئر يلقى فيها الحيض ولحوم الكلاب والنتن؟ فقال: الماء طهور, لا ينجسه شيء" هنا الماء لو حطيت فيه دم حيض او اي حاجه وسخه او نتنه من الاخر مهما عملت فيها فهي طهور لا ينجسه شيء ....
نروح بقا للآية ال الناس فاكرينها اعجاز علمي:
ثُمَّ خَلَقْنَا النُّطْفَةَ عَلَقَةً فَخَلَقْنَا الْعَلَقَةَ مُضْغَةً فَخَلَقْنَا الْمُضْغَةَ عِظَامًا فَكَسَوْنَا الْعِظَامَ لَحْمًا ثُمَّ أَنشَأْنَاهُ خَلْقًا آخَرَ ۚ فَتَبَارَكَ اللَّهُ أَحْسَنُ الْخَالِقِينَ
تعالا نفصص الاية واحده واحده الانسان خلق من نطفه اي مني, منطقي جدا فخلقنا النطفه علقة اي دم احمر ومالو وبعدين؟ فخلقنا العلقة مضغه (هنا كله بيقف ويقلك اعجاز ومش اعجاز طب كمل) فخلقنا المضغة عظاما تعرف ده معناه اي؟ يعني فمرحله من مراحل تكوين الجنين كان الجنين هيكل عظمي وبعد كده سبحان الله بعد الهيكل العظمي ده غطاه باللحم هم بقا مسكوا في المضغه وبعيدا ان في فلسفه كتير اتكلموا عن حوار الجنين ده واتذكرمراحل تطور منطقيه اكتر من الآيه دي ده غير برده انه ذكر ان الجنين تاتي به الروح بعد 40 يوم (مأخوذه فالاسلام) ده غير بقا كلمة الخالقين ال فالآخر دي طبعا الكل مبيتهرب منها ويغطي عليها بحجة الجمع للتعظيم بس هنعديها ومالو يعني؟ هي جت عليها
تالت حاجه الظلم والاستعباد
الإسلام ما حرّمش العبودية زي ما للاسف في مسلمين فكره ان الاسلام حرم العبوديه لان فعلا اي حد مش متعمق فالاسلام اوي هيقلك العبوديه حرام بس للاسف لا الدين الاسلامي حلله سواء بقا من مصطلحات زي سبايا وملك يمين وأمه ويجي شيخ يرد على الحوار ده ويقلك لأ هو حلله في الحرب بس لان الاسلام الغلبان مكنش ينفع يقتل اي امرأه او طفل او شيوخ بس يستعبدهم ويغتصبهم عادي جدا + الاسلام حلل البيع وشراء العبيد يعني محللهوش فالحرب بس* ده غير بقا حوار ان الرسول اتجوز عائشه وهي عندها 9 سنين المصيبه ان الناس بتبرر المصيبه دي ويقلك دي بيئه صحراويه والبنات بتبلغ فيها وهي لسه طفله وبتاع ومش عارف ايه يعم لو اعتبرنا ان كلامك صح كون ان النبي اتجوزها وهي فالسن ده يعني ربنا عارف ان ده فمصلحته وفمصلحت الامم ال بعده وده طبعا قرف كون انك تتجوز بنت طفله وتنكحها في السن ده مليان بقا من ضرر جسدي ونفسي ليها وبقا اعدلك من هنا للصبح من الاضرار عليها ده غير بقا قتل المرتد ال هو بيدل اصلا ان دينك جاي بالقسوة واي دين يجي بالقسوه فهو ميصلحش ان هو يبقا دين اصلا ده غير بقا ان الاسلام ال مش اسم على مسمى خالص تعال نشوف الحديث ده
قال النبي ﷺ: "أُمرت أن أقاتل الناس حتى يقولوا لا إله إلا الله، فإذا قالوها عصموا مني دماءهم وأموالهم إلا بحقها، وحسابهم على الله." (رواه البخاري ومسلم)
غريبه شويه صح؟ مش المفروض الدين يتنشر بالتسامح وبالفكر والعقل لا بس لا مينفعش الدين ده لازم نقتل ونستعبد الناس عشان يؤمنوا بالدين
"جئنا لنخرج العباد من عبادة العباد إلى عبادة رب العباد… فإن أبوا، فالجزية، فإن أبوا، فالسيف."
تخيل كده حد يجي يخش عليك الدولة ويقلك سلملي بلدك دي عشان انتو عندكوا عبيد بيعبدوا العباد (بس هم معندهم مشكله طبعا ان هم هيدنهم عبيد بس مسلمين عادي جدا) ولو مرضتش الدولة تدفع جزية فهنحتلها ونقتلكم وناخد الحر بالعبد ونستعبدهم (صباح الفل)
ابن كثير في البداية والنهاية يشرح فتوحات الشام والعراق ويذكر مواقف كتير بوضوح: الشعوب كان لازم تختار الإسلام، أو الجزية، أو القتال. مفيش حرية دينية حقيقية، ده كان "خيارك وسيف على رقبتك".
أبو بكر الصديق في حروب الردة أرسل جيوش تقاتل القبائل اللي قالت "إحنا مش هندفع زكاة". رغم إنهم مسلمين، بس لأنهم رفضوا سلطة الدولة، اتقتلوا. بدل ميتسجنوا او اي خكم تاني بس لا السيف هو ال بيتكلم
بين قوسين الإسلام دين محبة وسلام
طب ليه دايمًا بيقولوا "لا إكراه في الدين"؟
كويس، بس الآية دي منسوخة أو "مقيدة" عند علماء كتير. لأنك هتلاقي آيات تانية بتقول
"قاتلوا الذين لا يؤمنون بالله ولا باليوم الآخر... حتى يعطوا الجزية عن يد وهم صاغرون"(سورة التوبة: 29)
يعني الآية صريحة، لا في حرية ولا في نقاش ولا هداوة ياما تسلم ياما تدفع ياما رقبتك
المؤرخ ابن عبد الحكم في كتابه "فتح مصر والمغرب" بيذكر إن عقبة بن نافع دخل إلى بلاد سوس (جنوب غرب المغرب) وقتل من أهلها خلقًا كثيرًا، وسبى سبايا كثيرة، وأحرق الزرع، وهدم القرى
يعني الكلام واضح: قتل، سبي، حرق، وتدمير جبت من عندي؟
المؤرخ ابن خلدون بيقول إن الأمازيغ (شمال افريقيا من مصر لمو ريتنيا) كانوا بيقاوموا الفتح الإسلامي مقاومة شرسة، وده أدى لمعارك عنيفة جدا، وبعضها كان بيُستخدم فيه الإبادة الجماعية
الأمازيغ ما أسلموش طواعية، بالعكس, تم فرض الإسلام عليهم بقوة, تم أخذ نساؤهم سبايا, تم استعباد عدد كبير منهم وبيعه
بعد الفتح، تم فرض اللغة العربية والدين الإسلامي، وتم تدميرأي مظاهر دينية أو ثقافية أمازيغية.يعني الإسلام مجاش ك حرية معتقد، جه ك تغيير حتمي للهوية
لا ننكر ان هناك بعض الفتوحات الإسلامية مثل اندونيسيا و ماليزيا لم تقم عليهم حرب وكان الاسلام ينتشر بالتجاره وما الى ذلك ولكن تفتكر لو هم مرضيوش يأمنوا بالإسلام كانوا هيسبوهم فحالهم؟ i don't think so
وهيجي حد براس فرخه يقلك انت مش لاقي غير الاسلام بس ال تتكلم عليه، فاه انا فعلا مش لاقي غير الاسلام اني اتكلم عليه لاني كنت للاسف كنت بدافع على الحجات دي في يوم من الايام وكنت بشوف ازاي الناس بترقع على الحجات دي
في البلوجات ال جايه هناحاول نمسك نقطه نقطه سواء في اللادينيه او الدينيه واه هتكلم عن الاسلام لاني اتربيت عليه ولسه مدرستش اديان تانيه فلما ادرس الاديان التانيه هنشوف النقط برده ال فيها ومش ممكن فعلا يكون فيه دين منطقي؟ وبيهدم فعلا فكرة اللادينيه؟
تعليقات
إرسال تعليق